咸菜大汤黄鱼羹

?

作者:董鸣亭音频:俞颖

?

要过年了，大家准备些年菜，而鱼是一定要准备的，这叫年年有余。

我姐夫对我讲：有人勒东海浪捉着一条有七、八斤重个野生大黄鱼，然后拍卖，竟然以5万元一条卖脱了。

我一听，心里咯噔一记，一条大黄鱼要卖到5万元啊？我马上讲：小辰光我吃过多少大黄鱼呀？摆了现在侪是5万元一条哦。

我姐姐就说：黄鱼吃多了，脑子就是黄鱼脑子了。但我觉得自己蛮聪明的。

上海，曾经生活了多万个宁波人，是宁波人就欢喜吃咸菜，而迭碗汤是宁波人勒春节辰光招待客人个重头菜。俗话讲：无宁不成市，咯么对宁波人来讲，呒没咸菜就等于呒没下饭。

“咸菜自家腌、淡霍霍”，宁波人搿句闲话翻译成上海闲话，拨多少人当勒笑话来讲，笑点多了就是眼泪，眼睛里闪光个是对咸菜大汤黄鱼羹个思念，搿道菜勿但上海人欢喜，全世界个人只要吃了搿碗汤，是打了耳光也勿肯放个。

这道菜个成名，勿是黄鱼，而是咸菜，否则勿会拿咸菜摆勒前头。宁波人吃个菜，欢喜有羹，大家现在吃个酒酿圆子，最早就是宁波人发明个水果羹，还有芋艿羹、鲨鱼羹、杂烩羹，这眼菜，我勒勒讲个辰光，一道道侪勒我眼门前出现，准备明朝就去买只奉化芋艿头，放点咸菜，烧只羹吃吃，嘎冷个天，吃了保证浑身发热。但最美味个就是咸菜大汤黄鱼羹了，埃个辰光，呒没野生两个字，条条侪是从东海里捞上来个，鱼鳞锃亮，眼睛碧绿。可惜个是，勒我学会腌咸菜后就再也吃勿到野生黄鱼了。

生活勒上海个宁波人侪晓得搿句闲话：三日勿吃咸菜汤，走路脚骨酸晃晃。咸菜能下饭，能开胃。但不要忘记脱伊也是一道上得了厅堂下得了厨房个菜。当然，咸菜最高贵个身份就是搭黄鱼搭档。

现在，养殖个邪气多，勿管是养殖还是野生，侪叫黄鱼，搿就当黄鱼吃吧，只要有鱼个味道，就可以安慰一只想吃咸菜大汤黄鱼羹个胃。咸菜大汤黄鱼羹做法邪气简单，先拿黄鱼汏清爽，水洌干摆勒铁镬子里煎，等两面侪煎了微微发黄，浇眼黄酒，然后到进开水，同时放进适量个咸菜一起煮。十几分钟后，掀开锅盖，一股海腥味道夹勒咸菜个青香扑面而来，黄鱼仍旧是黄颜色个，咸菜是青颜色，只有鱼个眼睛是白个，突出来，就像两粒珍珠，点缀了搿碗汤，也安抚了一只想吃小辰光味道个胃。

祝大家新年快乐!